യു.എ.ഇയുടെ ആദ്യ ചൊവ്വാ പര്യവേക്ഷണ ദൗത്യമായ ‘ഹോപ്പ്’ ചൊവ്വയുടെ ഭ്രമണപഥത്തിലേക്ക് കടന്നതിന് ശേഷമുള്ള ചിത്രം ഭൂമിയിലേക്കയച്ചു. ചൊവ്വയുടെ ഉപരിതലത്തിൽനിന്ന് ഏകദേശം 25,000 കിലോ മീറ്റർ ദൂരത്ത് നിന്നാണ് ചിത്രം പകർത്തിയത്. ചിത്രത്തിൽ സൗരയൂഥത്തിലെ ഏറ്റവും വലിയ അഗ്നിപർവതമായ ഒളിംപസ് മോൺസ് ഉണ്ട്.

സൂര്യോദയ സമയത്തെ അഗ്നിപർവതത്തിന്റെ ദൃശ്യമാണിതിൽ. ഈ ചിത്രം യു.എ.ഇ. ഭരണാധികാരി ഷെയ്ഖ് മുഹമ്മദ് ബിൻ റാഷിദ് അൽ മഖ്ദൂം ട്വിറ്ററിൽ പങ്കുവെച്ചിട്ടുണ്ട്.