ഓണം വാരാഘോഷത്തിന്റെ സമാപന ഘോഷയാത്രയോടനുബന്ധിച്ച് തിരുവനന്തപുരം നഗരത്തിൽ നാളെ ഗതാഗത നിയന്ത്രണം ഏർപ്പെടുത്തും. ഉച്ചക്ക് രണ്ടു മുതൽ  എട്ടു വരെയാണ് ഗതാഗത നിയന്ത്രണം.ഘോഷയാത്ര പോകുന്ന കവടിയാർ - വെള്ളയമ്പലം - മ്യൂസിയം - പാളയം - സ്‌പെൻസർ - സ്റ്റാച്യു - ആയുർവേദ കോളേജ്- ഓവർ ബ്രിഡ്‌ജ്‌ - പഴവങ്ങാടി - കിഴക്കേക്കോട്ട - പടിഞ്ഞാറേക്കോട്ട - ഈഞ്ചക്കൽ വരെയുള്ള റോഡിൽ വാഹന പാർക്കിങ് അനുവദിക്കില്ല. 

എം സി റോഡിൽ നിന്ന് തമ്പാനൂർ ഭാഗത്തേക്ക് പോകേണ്ട വാഹനങ്ങൾ മണ്ണന്തല നിന്നും തിരിഞ്ഞ് പേരൂർക്കട - ശാസ്തമംഗലം - ജഗതി - തൈക്കാട് വഴി പോകേണ്ടതാണ്. ദേശീയ പാതയിൽ നിന്ന് വരുന്ന വാഹനങ്ങൾ ഉള്ളൂർ - മെഡിക്കൽ കോളേജ് - കണ്ണമ്മൂല - പാറ്റൂർ - അണ്ടർ പാസ് - ബേക്കറി - പനവിള വഴി പോകണം.യൂണിവേഴ്‌സിറ്റി കോളേജ് ഗ്രൗണ്ട്, സംസ്കൃത കോളേജ് ഗ്രൗണ്ട്, വിമൻസ് കോളേജ് ഗ്രൗണ്ട്, തുടങ്ങിയ ഇടങ്ങളിൽ വാഹന പാർക്കിങ്ങിനു സൗകര്യ ഒരുക്കിയിട്ടുണ്ട്.