വാർ ഗെയിം ആയ പബ്ജി ഇന്നു മുതൽ ഇന്ത്യയിൽ ഇല്ല. ഒക്ടോബർ 30 മുതൽ ഇന്ത്യയിലുള്ളവർക്ക് പബ്ജി ഗെയിം ലഭ്യമാകില്ലെന്ന് കമ്പനി അധികൃതർ അറിയിച്ചു. സർക്കാർ നിരോധനം ഏർപ്പെടുത്തി രണ്ടു മാസങ്ങൾക്കുള്ളിലാണ് പബ്ജി പൂർണമായി ഇന്ത്യയിൽ ഇല്ലാതാകുന്നത്. ഗൂഗിൾ പ്ലേ, ആപ്പിൽ ആപ്പ് സ്റ്റോറിൽ നിന്നു നീക്കം ചെയ്തെങ്കിലും മുൻപ് ഇൻസ്റ്റാൾ ചെയ്തവർക്ക് ഫോണിലും ടാബിലും ഗെയിം കളിക്കാമായിരുന്നു.

ചൈനീസ് സംഘർഷത്തിനു പിന്നാലെ സെപ്റ്റംബർ രണ്ടിനാണ് പബ്ജി ഉൾപ്പെടെ നിരവധി ആപ്പുകൾക്കു ഇന്ത്യൻ സർക്കാർ നിരോധനം ഏർപ്പെടുത്തിയത്.