വളരെ നാളുകളായി ശാരീരിക അസ്വസ്ഥതകൾ കാരണം സ്കൂളിൽ വരാൻ കഴിയാതെ വീട്ടിൽ കഴിയുന്ന ഭിന്നശേഷിക്കാരനായ ഒൻപതാം ക്ലാസുകാരൻ അപ്പുവിന് ഓണാശംസകളുമായി അവനവഞ്ചേരി ഗവ. ഹൈസ്കൂളിലെ സ്റ്റുഡൻറ് പോലീസ് കേഡറ്റുകളായ സുഹൃത്തുക്കൾ വീട്ടിലെത്തി. ഓണാഘോഷത്തിനായി കരുതിവച്ചിരുന്നതിൽ നിന്ന് കുറച്ചു തുക ഉപയോഗിച്ച് സഹപാഠിയ്ക്ക് ഓണക്കോടി വാങ്ങി നൽകി. പിന്നെ കുറച്ച് ഓണചെലവുകൾക്കും നൽകി. ഇതാണ് യഥാർഥ ഓണസന്ദേശം. "ഓണമുണ്ടുറങ്ങുമ്പോൾ ഓർക്കണമിതും കൂടി, ഓണമുണ്ണാത്തവരുണ്ടീ നാട്ടിൽ, ഓണം കളിക്കാത്തോരുണ്ടീ നാട്ടീൽ...''