ലളിതഗാനങ്ങളെ ജനകീയമാക്കുകയും ചലച്ചിത്രഗാന സംഗീതത്തിന് ലളിതമാധുര്യം പകരുകയും ചെയ്ത സംഗീത സംവിധായകന്‍ എം.ജി. രാധാകൃഷ്ണന് രാഗാഞ്ജലിയായി തിരുവനന്തപുരത്ത് എം.ജി. രാധാകൃഷ്ണന്‍ ഫൗണ്ടേഷന്‍ സംഘടിപ്പിച്ച ഘനശ്യാമ സന്ധ്യ- സംഗീതോത്സവത്തില്‍ നിന്ന്. 1969- ല്‍ കള്ളിച്ചെല്ലമ്മയിലെ 'ഉണ്ണിഗണപതിയേ...' പാടി ചലച്ചിത്ര പിണണിഗാന രംഗത്തെത്തിയ എം.ജിയുടെ ആദ്യ ഹിറ്റ് ഗാനങ്ങള്‍ രണ്ടു വര്‍ഷം കഴിഞ്ഞ് പുറത്തിറങ്ങിയ 'ശരശയ്യ'യില്‍ ആയിരുന്നു. വയലാര്‍ രാമവര്‍മ്മ രചിച്ച് ജി. ദേവരാജന്‍ ഈണമിട്ട്  എം.ജി. രാധാകൃഷ്ണന്‍ പാടിയ 'ഉത്തിഷ്ഠത... ജാഗ്രത...' എന്ന ഗാനം ഘനശ്യാമസന്ധ്യയുടെ വേദിയില്‍ പ്രശസ്ത ഗായകന്‍ കല്ലറ ഗോപനും മകള്‍ നാരായണിയും ചേര്‍ന്ന് ആലപിക്കുന്നു.