മ്യൂച്വല്‍ ഫണ്ടില്‍ നിക്ഷേപിക്കാന്‍ ഇനി സ്റ്റാമ്പ് ഡ്യൂട്ടിയും. ജൂലൈ മുതലാണ് ഈ നിബന്ധന നിലവില്‍ വരിക. നിക്ഷേപത്തിന്റെ 0.005 ശതമാനമായിരിക്കും സ്റ്റാമ്പ് ഡ്യൂട്ടി. 

ഈ വര്‍ഷം ആദ്യം മുതല്‍ തന്നെ സ്റ്റാമ്പ് ഡ്യൂട്ടി ഏര്‍പ്പെടുത്താന്‍ തീരുമാനിച്ചിരുന്നു. പിന്നീട് അത് രണ്ട് വട്ടം നീട്ടി. സ്റ്റാമ്പ് ഡ്യൂട്ടി വരുന്നത് കാര്യമായി ബാധിക്കുക ഹ്രസ്വകാലത്തേക്ക് വലിയ തുക നിക്ഷേപിക്കുന്നവരെയാണ്. ഒറ്റത്തവണ എസ്.ഐ.പി, ഡിവിഡന്റ് റീ ഇന്‍വെസ്റ്റ്‌മെന്റ് തുടങ്ങിയ നിക്ഷേപത്തിനെല്ലാം സ്റ്റാമ്പ് ഡ്യൂട്ടി നല്‍കേണ്ടി വരും. ഓഹരി അധിഷ്ഠിത ഫണ്ടുകള്‍ക്കും ഇത് ബാധകമാണ്.