ഇന്ന് സ്വർണ്ണവിലയിൽ വൻ ഇടിവ് രേഖപ്പെടുത്തി. പവന് 520 രൂപയും ഗ്രാമിന് 65 രൂപയുമാണ് കുറഞ്ഞത്. ഇതോടെ പവന് 34,520 രൂ പയായും ഗ്രാമിന് 4,315 രൂപയായും വില കുറഞ്ഞു.

കഴിഞ്ഞ ദിവസം വരെ കുതിച്ചുയർന്ന സ്വർണ വില ഇന്ന് കുത്തനെ ഇടിയുകയായിരുന്നു.  ചരിത്രത്തിലാദ്യമായി സ്വർണവില പവന് 35,000 രൂപ തൊട്ടശേഷമാണ് വിലയിടിഞ്ഞത്  എന്നതും ശ്രദ്ധേയമാണ്.  ഇന്നലെ ഗ്രാമിന് 30 രൂപയു ടെയും പവന് 240 രൂപയുടെയും വർധനവാണ് ഉണ്ടായത് . ഓഹരി വിപണിയിൽ ചാഞ്ചാട്ടം തുടരുന്ന സാഹചര്യത്തിൽ കൂടുതൽ പേർ സുരക്ഷിത നിക്ഷേപമായി സ്വർണ്ണം തെരഞ്ഞെടുക്കുന്നതാണ് കഴിഞ്ഞ ദിവസങ്ങളിൽ സ്വർണ്ണവില ഉയരാൻ പ്രധാന കാരണം . ഓൺലൈൻ ട്രേഡിംഗിൽ സ്വർണ്ണ വിപണി സജീവമായതും വില ഉയർത്തി . അന്താരാഷ്ട്ര വിപണിയിൽ ട്രോയ് ഔൺസ് സ്വർണ്ണത്തിന് 1750 ഡോളറാണ് നിരക്ക് . ലോക്ക് ഡൗൺ തുടങ്ങിയതിന് ശേഷമാണ് നിരക്ക് 200 ഡോളർ കൂടിയത്.