സംസ്ഥാനത്ത് സ്വർണ്ണ വില അതി വേഗം കുതിച്ചുയരുന്നു. ഒരു പവന് 34,080 രൂപയാണ് ഇന്നത്തെ വില. ഇന്ന് ഒരു​ ഗ്രാമിന് 4,260 രൂപയുമാണ്‌ വില. ആഗോള വിപണിയിലെ വ്യതിയാനമാണ് ആഭ്യന്തര വിപണിയിലും പ്രതിഫലിച്ചത്.

കൊറോണ പ്രതിസന്ധിക്കിടയിൽ ആഗോള സാമ്പത്തിക മേഖല അനിശ്ചിതത്വം നേരിടുമ്പോൾ, സുരക്ഷിത നിക്ഷേപം എന്ന നിലയിൽ നിക്ഷേപ സ്ഥാപനങ്ങൾ സ്വർണത്തിലേക്ക് കൂടുതൽ നിക്ഷേപം നടത്തുന്നതാണ് സ്വർണവില കൂടാനുള്ള കാരണമെന്നാണ് സാമ്പത്തിക വിദഗ്ധരുടെ വിലയിരുത്തൽ.ഇടക്ക് നേരിയ വ്യത്യാസം  സ്വർണ്ണ വിലയിൽ ഉണ്ടായെങ്കിലും, വരും ദിവസങ്ങളിൽ സ്വർണത്തിന് വില ഉയരാനാണ് സാധ്യത.