ക്രൂഡ്‌ ഓയിൽ ഉത്പാദനം കുറയ്ക്കാൻ തീരുമാനിച്ച് അമേരിക്ക. എണ്ണ , പെട്രോളിയം കയറ്റുമതി രാജ്യങ്ങൾ തമ്മിലുള്ള കരാർ പ്രകാരമാണ് ക്രൂഡ് ഓയിൽ ഉൽപാദനം കുറയ്ക്കാൻ അമേരിക്കയും മെക്സിക്കോയും തീരുമാനിച്ചു . ആഗോള വിതരണം കുറയ്ക്കുന്നതിനാണ് ഈ തീരുമാനമെന്ന് യുഎസ് പ്രസിഡന്റ് ഡൊണാൾഡ് ട്രംപ് വ്യക്തമാക്കി . കൊറോണ വൈറസ് പൊട്ടിപ്പുറപ്പെട്ടതിനെ തുടർന്ന് നടന്നു കൊണ്ടിരിക്കുന്ന ആഗോള ആരോഗ്യ പ്രതിസന്ധി എണ്ണയുടെ ആവശ്യകതയെ വൻതോതിൽ കുറയ്ക്കുന്നതിനാൽ ഒപെക് അംഗങ്ങളും മറ്റ് എണ്ണ ഉൽപാദന രാജ്യങ്ങളും എണ്ണ ഉൽപാദനം കുറയ്ക്കാൻ  തീരുമാനിച്ചിരിക്കുകയാണ് .  ഏകദേശം 23 ശതമാനം ഉൽപാദന പരിധി കുറയ്ക്കാൻ ഒപെക് രാജ്യങ്ങൾ സമ്മതിച്ചിട്ടുണ്ട് എന്ന് കൊറോണ വൈറസ് ബാധയെക്കുറിച്ചുളള വൈറ്റ് ഹൗസ് വാർത്താ സമ്മേളനത്തിൽ ട്രംപ് പറഞ്ഞു.കൂടാതെ  മെയ് , ജൂൺ മാസങ്ങളിൽ എണ്ണ ഉൽപാദനം പ്രതിദിനം 10 ദശലക്ഷം ബാരൽ കുറയ്ക്കുമെന്ന് പ്രമുഖ ഉൽപാദകർ വ്യാഴാഴ്ച നടന്ന ഒപെക് , നോൺ ഒപെക് രാജ്യങ്ങളുടെ  യോഗത്തിൽ പറഞ്ഞു .