കോവിഡ് വ്യാപനത്തിന്റെ ഭീതിയിൽ പ്രധാന മന്ത്രി ആഹ്വാനം ചെയ്‌ത ജനതാ കർഫ്യുവിന് തലേ ദിവസം സംസ്ഥാനത്ത് നടന്നത് റെക്കോർഡ് മദ്യ വിൽപ്പനയെന്ന് റിപ്പോർട്ട്. 22 ന് രാവിലെ 7 മുതൽ രാത്രി 9 വരെയായിരുന്നു ജനത കർഫ്യു.21ന് സംസ്ഥാനത്തെ ബിവറേജ് ഷോപ്പുകളിലൂടെ വിറ്റത് 63.92 കോടി രൂപയുടെ മദ്യം. വെയർഹൗസുകളിലൂടെ വിറ്റത് 12.68 കോടിയുടെ മദ്യവും.എന്നാൽ കഴിഞ്ഞവർഷം ഇതേദിവസം ബിവറേജ് ഔട്ട്ലറ്റിലൂടെ വിറ്റത് 29.23 കോടിയുടെ മധ്യമായിരുന്നു. വിൽപനയിലെ വർധനവ് 118.68%.

ഒരു ദിവസം 26 കോടി രൂപയുടെ മദ്യ വിൽപ്പനയാണ് കേരളത്തിൽ ഒരു ദിവസം നടക്കുന്നത്.പക്ഷെ,ജനതാ കർഫ്യുവിന്റെ തലേ ദിവസത്തെ കണക്ക് അധികൃതർ പ്രതീക്ഷിച്ചതിലും അപ്പുറം ആയിരുന്നു.