വീട്ടിലിരുന്ന് ജോലി ചെയ്താലും ഉദ്യോഗാർത്ഥികൾക്ക് കൃത്യ സമയത്ത് ശമ്പളം നൽകണമെന്ന് കേന്ദ്രസർക്കാർ നിർദ്ദേശം. തൊഴിലാളികൾക്ക് സാമ്പത്തികപ്രശ്നങ്ങൾ നേരിടാതെ നോക്കാനായി കോർപ്പറേറ്റ് അംഗങ്ങൾക്ക് ഉപദേശങ്ങൾ നൽകണമെന്ന് കേന്ദ്ര സർക്കാർ വ്യവസായ ചേംബറുകളോട് ആവശ്യപ്പെട്ടു. കോവിഡ് വ്യാപനവുമായി ബന്ധപ്പെട്ടാണ് രാജ്യത്തെ  വ്യവസായ മേഖലയാകെ മുൻപ് കാണാത്തവിധമുള്ള പ്രതിസന്ധികൾ നേരിടേണ്ടി വരുന്നത്. മൂന്ന് പ്രധാന വ്യവസായ ചേംബറുകൾക്കും സിഇഒമാർക്കും ഡിഎംഐസി, ഇൻവെസ്റ്റ് ഇന്ത്യയുടെ എംഡിമാർക്കും അയച്ച കത്തിലാണ് നിർദേശങ്ങളുള്ളത്. എംഎസ്എംഇകൾ കരാർ തൊഴിലാളികൾക്ക് കൃത്യമായി വേതനം നൽകാനും കേന്ദ്ര സർക്കാർ നിർദ്ദേശിച്ചു.