ഓൺലൈൻ ഇടപാടുകൾക്ക് റിസർവ് ബാങ്ക് ഒടിപി നിർബന്ധമാക്കി. രണ്ടായിരം രൂപയ്ക്കുമുകളിലുള്ള എല്ലാ ഓൺലൈൻ ഇടപാടുകൾക്കുമാണ് റിസർവ് ബാങ്ക് ഒറ്റത്തവണ പാസ്‌വേഡ് നിർബന്ധമാക്കിയത്. അതേസമയം എ ടി എം, ക്രെഡിറ്റ് കാർഡ് പിൻ ഉപയോഗിച്ച് ഇത്തരം ഇടപാടുകൾ നടത്തരുതെന്നും ആർബിഐ വ്യക്തമാക്കി. പേമെന്റ് കമ്പനികൾക്കും പേമെന്റ് ഗേറ്റ്‌വേകൾക്കുമായി ആർ.ബി.ഐ. പുറത്തിറക്കിയ വിശദമായ മാർഗരേഖയിലാണ് നിർദേശം. ഡിജിറ്റൽ ഇടപാടുകളിലെ തട്ടിപ്പുകൾ നിയന്ത്രിക്കുന്നതിനും ഇടപാടുകാരുടെ പണം സുരക്ഷിതമാക്കാനും ഉദ്ദേശിച്ചുള്ളതാണ് നിർദേശങ്ങൾ.