കൊറോണ വൈറസിന്റെ വ്യാപനം തടയുക എന്ന ലക്ഷ്യത്തോടെ സംസ്ഥാന സർക്കാർ ആവിഷ്ക്കരിച്ച ബ്രേയ്ക്ക് ദ ചെയിൻ ക്യാമ്പയിന്റെ ഭാ​ഗമായി പ്രമുഖ എഫ്എംസിജി  കമ്പനിയായ ഐ‌ടിസി പ്രൈവറ്റ് ലിമിറ്റഡും. ക്യാമ്പയിന്റെ ഭാ​ഗമായി കമ്പനി സാവിലോൺ ഉൽന്നങ്ങൾ സംസ്ഥാനത്തുടനീളം വിതരണം ചെയ്യുമെന്നറിയിച്ചു. സംസ്ഥാനത്തൊട്ടാകെ 10,000 പീസ് സാനിറ്റൈസറുകളും ഹാൻഡ് വാഷുമാണ് കമ്പനി വിതരണം ചെയ്യുന്നത്. ഇതിന്റെ ഭാ​ഗമായി ഐടിസി കേരള ഘടകത്തിന്റെ വിതരണക്കാരൻ എം സം​ഗീത് കുമാർ, കെ.ടി.ഡി. സി ഡയറക്ടർ കൃഷ്ണകുമാർ നായനാർ എന്നിവർ മുഖ്യമന്ത്രി പിണറായി വിജയനുമായി  കൂടിക്കാഴ്ച നടത്തി സാമ്പിളുകൾ കൈമാറി.