ട്വിറ്ററിന് പകരം ഇന്ത്യൻ ആപ്പ് ആവിഷ്കരിക്കാനൊരുങ്ങി കേന്ദ്രസർക്കാർ. നാഷണൽ ഇൻഫർമാറ്റിക് സെന്ററിനെയാണ് ആപ്പ് തയ്യാറാക്കാൻ ചുമതലപ്പെടുത്തിയത്. ട്വിറ്ററിന് സമാനമായ എല്ലാ സൗകര്യങ്ങളും ആപ്പിൽ ഉണ്ടാകുമെന്നാണ് ഐ ടി മന്ത്രാലയ അധികൃതർ സൂചിപ്പിക്കുന്നത്. ഈ ആപ്പ് ആദ്യ ഘട്ടത്തിൽ ഉപയോഗപ്രദമാകുക സർക്കാർ ഇ-മെയിൽ ഐഡി ഉപയോഗിക്കുന്നവർക്കായിരിക്കും. ക്രമേണ പൊതുജനങ്ങൾക്കും ഉപയോഗിക്കാവുന്ന രീതിയിലേക്ക് മാറ്റിയെടുക്കുന്നതായിരിക്കും. ഈ ആപ്പിൽ ആശയവിനിമയം സുഗമമാക്കാനുള്ള കൂടുതൽ സവിശേഷതകളും ഒരുക്കും. പുതിയ ആപ്പ് നിലവിൽ വന്നാലും ട്വിറ്ററിന് വിലക്കേർപ്പെടുത്തില്ല.