ഇന്ത്യയിൽ ക്രിപ്റ്റോ കറൻസിക്കുള്ള റിസേർവ് ബാങ്ക് വിലക്ക് സുപ്രീം കോടതി സ്‌റ്റേ ചെയ്യ്തു.ബിറ്റ് കോയിൻ ഉൾപ്പടെയുള്ള വെർച്വൽ കറൻസികൾ ബന്ധപ്പെട്ടുള്ള സേവനങ്ങൾ നൽകാൻ ബാങ്കുകൾക്കും ധനകാര്യ സ്ഥാപനങ്ങൾക്കും ഇനി യാതൊരു തടസ്സവുമില്ല.റിസേർവ് ബാങ്കിന്റെ 2018ലെ സർക്കുലറിനെതിരെ സമർപ്പിച്ച ഹർജികൾ പരിഗണിച്ചാണ് നിർണായക വിധി.

2009 ൽ പുറത്തിറങ്ങിയ ബിറ്റ്‌കോയിൻ ആണ് ആദ്യത്തെ ക്രിപ്റ്റോ കറൻസി.ബിറ്റ്‌കോയിൻ നേടിയ വിജയവും സ്വീകാര്യതയും അതേ മാതൃകയിൽ പിന്തുടരുന്ന അനേകം ക്രിപ്റ്റോ കറൻസികളെ വിപണിയിൽ എത്തിച്ചിട്ടുണ്ട്.നിലവിൽ നിരവധി പേരുകളിലായി ആറായിരത്തിൽ പരം ക്രിപ്റ്റോ കറൻസികൾ വിനിമയത്തിലുമുണ്ട്.