പാലിന്റെ വില തൽകാലം കൂട്ടേണ്ടതായിട്ടില്ലെന്ന് മിൽമ ഡയറക്ടർ ബോർഡിൽ തീരുമാനം.ലിറ്ററിന് ആറു രൂപ വരെ കൂട്ടണമെന്നുള്ള മേഖലാ യൂണിയന്റെ ആവിശ്യം ബോർഡ് അംഗീകരിച്ചില്ല.ഇതിനെ തുടർന്ന് സർക്കാരിനോട് സഹായം ആവിശ്യപ്പെടും.ഓണത്തിന് മുൻപ് ക്ഷീര കർഷകർക്കായി മിൽമ നാലു രൂപ കൂട്ടിയിരുന്നു.ഇതിനു പിന്നാലെയാണ് ആറു രൂപ വർധിപ്പിക്കണമെന്ന പുതിയ ശുപാർശ യൂണിയൻ മുന്നോട്ട് വെച്ചത്. കാലിത്തീറ്റയുടെ വില കൂടിയതും, വേനൽ കാലത്ത് പാലിന് ഉണ്ടാവുന്ന ക്ഷാമവും,ഇതര സംസ്ഥാനങ്ങളിൽ നിന്നും പാൽ ഇറക്കുമതി ചെയുന്നതുമായുള്ള കാര്യങ്ങൾ ഒക്കെ ചൂണ്ടിക്കാട്ടിയാണ് വില വർധിപ്പിക്കണമെന്ന ആവിശ്യം മുന്നോട്ട് വെച്ചത്.

ആറു രൂപ വരെ കൂട്ടാനാണ് തിരുവനന്തപുരം എറണാകുളം മേഖല യൂണിയനുകൾ മിൽമയോട് ആവിശ്യപെട്ടിരിക്കുന്നത്. വേനൽ കാലമായതിനാൽ അയൽ സംസ്ഥാനങ്ങളിൽ നിന്നും പാൽ ഇറക്കുമതി ചെയ്യേണ്ട അവസ്ഥയാണ്.അടുത്തിടെയുണ്ടായ വില വർധന മൂലം അധിക വില കൊടുത്താണ് പാൽ ഇറക്കുമതി ചെയുന്നത്.പുറത്തുനിന്ന് പാൽ വാങ്ങേണ്ടി വരുന്ന സാഹചര്യത്തിലൂടെ മിൽമ ഇപ്പോ സാമ്പത്തിക പ്രതിസന്ധി നേരിടുന്ന കാര്യവും സർക്കാരിനെ ബോധ്യപ്പെടുത്താൻ ഡയറക്ടർ ബോർഡ് യോഗം തീരുമാനിച്ചു.