തിരുവനന്തപുരം : കേരള സംസ്ഥാന ഭാഗ്യക്കുറി വകുപ്പിന്റെ സമ്മർ ബമ്പർ ഭാഗ്യക്കുറി മാർച്ച് ഒന്ന് മുതൽ വിപണിയിൽ എത്തുന്നു. 200 രൂപ വിലയുള്ള ഭാഗ്യക്കുറി ടിക്കറ്റിന് ആറു കോടി രൂപയാണ് സമ്മാനം.മാർച്ച് അവസാനം ആകും നറുക്കെടുപ്പ് നടക്കുക.ആറു കോടിക്ക് പുറമെ 1000 മുതൽ 5000 രൂപവരെയുള്ള നിരവധി സമ്മാനങ്ങൾ ആണ് ഭാഗ്യശാലികളെ കാത്തിരിക്കുന്നത്. രണ്ടാം സ്ഥാനം 1.25 കോടി രൂപയും,മൂന്നാം സ്ഥാനം 50  ലക്ഷം രൂപയുമാണ് സമ്മാന തുകകളായി നിശ്ചയിച്ചിരിക്കുന്നത്.

നിലവിൽ പത്ത് ലക്ഷം ടിക്കറ്റുകൾ ആണ് അച്ചടിച്ചിട്ടുള്ളത്. ഇത് വിറ്റ് തീരുന്നത് അനുസരിച്ച് കൂടുതൽ ടിക്കറ്റുകൾ അച്ചടിക്കും.കഴിഞ്ഞ വർഷത്തെ നാലു കോടിയുടെ  ബമ്പർ കുറി കാസർഗോഡ് വിറ്റ ടിക്കറ്റിനാണ് ലഭിച്ചത്.