സംസ്ഥാനത്ത്‌ സ്വർണവില വെള്ളിയാഴ്‌ച വീണ്ടും കുതിച്ചുയർന്നു. ഒരു ഗ്രാം സ്വർണത്തിന്‌ 3,680 രൂപയും പവന്‌ 29,440 രൂപയുമാണ്‌ വില. വ്യാഴാഴ്‌ച ഗ്രാമിന്‌ 3625 രൂപയായിരുന്നു. ഗ്രാമിന്‌ 55 രൂപയും പവന്‌ 440 രൂപയുമാണ്‌ കൂടിയത്‌.ഡിസംബർ 28 മുതലാണ് സ്വർണ വില പവന് 29,000 രൂപ എന്ന നിലവാരത്തിൽ എത്തിയത്.അന്താരാഷ്‌ട്ര വിപണിയിൽ വിലകൂടിയതാണ്‌ ഇവിടേയും പ്രതിഫലിച്ചത്‌.രാജ്യാന്തര നിക്ഷേപകര്‍ വന്‍തോതില്‍ സ്വര്‍ണം വാങ്ങുന്നതാണു വില ഉയരാനുള്ള കാരണം. ദിവസങ്ങള്‍ക്കുള്ളില്‍ പവന് വില 30,000 കടന്നേക്കും. മൂന്നു പവന്‍ സ്വര്‍ണം വാങ്ങണമെങ്കില്‍ പണിക്കൂലി കൂടി ചേര്‍ത്ത് ഒരു ലക്ഷം രൂപയില്‍ അധികം നല്‍കണം.