സാമ്പത്തിക   പ്രതിസന്ധിയുടെ പശ്ചാത്തലത്തില്‍ മൊബൈല്‍ സര്‍വീസ് ചാര്‍ജുകള്‍ വര്‍ധിപ്പിക്കാനൊരുങ്ങി ടെലികോം സേവനദാതാക്കളായ വോഡാഫോണ്‍ ഐഡിയയും എയര്‍ടെല്ലും. താരിഫ് റേറ്റുകളില്‍ ഡിസംബര്‍ ഒന്നോടെ മാറ്റങ്ങള്‍ ഉണ്ടാകുമെന്ന് വോഡാഫോണ്‍, ഐഡിയ പ്രസ്താവനയില്‍ അറിയിച്ചു. ടെലികോം വകുപ്പിന്റെ ആവശ്യം അംഗീകരിച്ചുകൊണ്ട് കുടിശ്ശിക അടയ്ക്കാന്‍ സുപ്രീം കോടതി കഴിഞ്ഞ മാസം വോഡഫോണ്‍ ഐഡിയ ഉള്‍പ്പെടെയുള്ള ടെലികോം കമ്പനികൾക്ക്‌  നിര്‍ദ്ദേശം നല്‍കിയിരുന്നു. വോഡഫോണ്‍ ഐഡിയയ്ക്കും ഭാരതി എയര്‍ടെല്ലിനും സെപ്റ്റംബര്‍ പാദത്തില്‍ 74,000 കോടിയുടെ നഷ്ടമാണ് ഉണ്ടായിരിക്കുന്നത്. സുപ്രിം കോടതി ഇരുകമ്പനികൾക്കും വന്‍ തുക പിഴ ചുമത്തിയതാണ്  കമ്പനികൾക്ക്‌  തിരിച്ചടിയായത്.