ഡൽഹിയിൽ ഈ മാസം 21,22 തീയതികളിൽ നടക്കുന്ന ഇന്ത്യ- യൂറോപ്പ് ബിസിനസ് ഫോറത്തിൽ ടെക്നോപാർത്തിലെ ഉൾപ്പടെ 11 കമ്പനികൾ കേരളത്തെ പ്രതിനിധീകരിച്ച് പങ്കെടുക്കും. ഐ.ടി കമ്പിനികളുടെ കൂട്ടായ്മയായ ജിടെക് ( ​ഗ്രൂപ്പ് ഓഫ് ടെക്നോളജി കമ്പനീസ് ) ആണ് 11 കമ്പനികളുടെ പ്രതിനിധി സംഘത്തെ നയിക്കുന്നത്.

വിദേശകാര്യ മന്ത്രാലമാണ് പരിപാടി സംഘടിപ്പിക്കുന്നത്. ഡൽഹിയിൽ വെച്ച് നടക്കുന്ന പ്രവാസി ഭാരതീയ കേന്ദ്രത്തിലാണ് സമ്മേളനം നടക്കുക. ഐടി, പരമ്പര്യേതര ഊർജ മേഖല, സ്മാർട് സിറ്റി, ന​ഗരമേഖല എന്നീ പ്രമേയങ്ങളിലാണ് ചർച്ച. വിവിധ രാജ്യങ്ങളിലെ സർക്കാർ പ്രതിനിധികളുമായും കമ്പിനി പ്രതിനിധികളുമായും ഇവർ ആശയ വിനിമയം നടത്തും
വിദേശ കമ്പിനികളെ കേരളത്തിലേക്ക് ആകർഷിക്കാനുള്ള ശ്രമവും ഇതിന്റെ ഭാ​ഗമായി നടക്കുമെന്ന് ജിടെക് സിഇഒ വിഷ്ണു വി നായർ അറിയിച്ചു. എൽസിസ്, മിറോക്സ്, സൂഇന്ത്യ, ട്രയാസിക്, ഒറിസീസ് ഇന്ത്യ, ആക്സിയ, എംബ്രൈറ്റ്, ത്രിഎംബികെ തുടങ്ങിയ കമ്പനികളാണ് ബിസിനസ് ഫോറത്തിൽ പങ്കെടുക്കുന്നത്.