ലോകത്തെ ഏ‌റ്റവും വലിയ കോടീശ്വരനെന്ന പട്ടം മൈക്രോസോഫ്‌റ്റ് സ്ഥാപകൻ ബിൽ ​ഗേറ്റ്സ് സ്വന്തമാക്കി. ആമസോൺ സ്ഥാപകനും സി.ഇ.ഒയുമായ ജെഫ് ബെസോസിനെ പിന്നിലാക്കിയാണ് ബിൽ ഗേറ്റ്സ് ഒന്നാംനമ്പർ കോടീശ്വരപട്ടംസ്വന്തമാക്കിയത്.  കഴിഞ്ഞമാസം പെന്റഗണിൽ നിന്ന് ക്ളൗഡ് കമ്പ്യൂട്ടിംഗ് കരാർ ലഭിച്ചതോടെ മൈക്രോസോഫ്‌റ്റിന്റെ ഓഹരിമൂല്യം കുതിച്ചുയർ‌ന്നതാണ് ലോകത്തെ ഏറ്റവും വലിയ സമ്പന്നന്റെ സ്ഥാനത്തെത്താൻ ബിൽ ​ഗേറ്റ്സിനെ സഹായിച്ചത്.  11,​000 കോടി ഡോളർ ആസ്‌തിയുമായാണ് ബിൽ ഗേറ്റ്സ് ഒന്നാംസ്ഥാനം തിരിച്ചുപിടിച്ചത്. 10,​870 കോടി ഡോളറാണ് ബെസോസിന്റെ ആസ്‌തി. 10,​270 കോടി ഡോളറുമായി ഫ്രഞ്ച് ശതകോടീശ്വരൻ ബെർണാർഡ് അർണോൾട്ട് ആണ് മൂന്നാമത്.