സ്റ്റേറ്റ് ബാങ്ക് ഓഫ് ഇന്ത്യ സേവിങ്ങ്സ് ബാങ്ക് അക്കൗണ്ടുകളിലെ നിക്ഷേപങ്ങളുടെ പലിശ നിരക്ക് കുറയ്ക്കുന്നു. ഒരു ലക്ഷം രൂപവരെയുള്ള സേവിങ്ങ്സ് ബാങ്ക് അക്കൗണ്ടുകളിലെ  പലിശ നിരക്കിൽ 25 ബേസിസ് പോയിന്റിന്റെ കുറവുണ്ടാകും. നിലവിൽ 3.5 ശതമാനമായിരുന്നു ഒരു ലക്ഷം രൂപവരെയുള്ള നിക്ഷേപത്തിന് സേവിങ്ങ്സ് അക്കൗണ്ട് ഉടമകൾക്ക് ലഭിച്ചിരുന്ന പലിശ നിരക്ക്. ഇത് 3.25 ശതമാനമായി കുറയും. 

അതേസമയം ഒരു ലക്ഷം രൂപയ്ക്ക് മുകളിൽ നിക്ഷേപമുള്ള സേവിങ്ങ്സ് അക്കൗണ്ടുകളിലെ പലിശ നിരക്കിൽ വ്യത്യാസമില്ല. ഇത് മൂന്നു ശതമാനമായി തുടരും. പണലഭ്യത അപര്യാപ്തമായതിന്റെ പശ്ചാത്തലത്തിലാണ് സേവിങ്ങ്സ് അക്കൗണ്ടുകളുടെ പലിശനിരക്ക് കുറയ്ക്കാൻ എസ്.ബി. ഐ തീരുമാനമെടുത്തത്.