ഒരാഴ്ചയ്ക്കുള്ളില്‍ ഭക്ഷ്യ എണ്ണയുടെ വില ലിറ്ററിന് 10 രൂപ വരെ കുറയ്ക്കാന്‍ കമ്പനികളോട് നിര്‍ദേശിച്ച്‌ കേന്ദ്രം. ഇതോടെ ഭക്ഷ്യ എണ്ണവില ആഭ്യന്തര വിപണിയില്‍ കുറയാൻ സാധ്യതയുണ്ട്. ഇത് ഭക്ഷ്യ വിലക്കയറ്റം നിയന്ത്രിക്കാനും കുടുംബ ബജറ്റിലെ ബുദ്ധിമുട്ട് കുറയ്ക്കാനും സഹായകരമാകും.

ആഗോള വിലയിലെ ഇടിവും അടുത്തിടെ ഇറക്കുമതി നികുതി വെട്ടിക്കുറച്ചതും കണക്കിലെടുത്ത് ലിറ്ററിന് 10-12 രൂപ വരെ കുറയ്ക്കാനുള്ള ഭക്ഷ്യ മന്ത്രാലയത്തിന്റെ ശാസനയെ തുടര്‍ന്നാണ് തീരുമാനം. അടുത്ത 7-10 ദിവസങ്ങള്‍ക്കുള്ളില്‍ ചില്ലറ വില്‍പന വില കുറയുമെന്ന് അദാനി വില്‍മറും രുചി സോയയും ഉള്‍പ്പെടെയുള്ള പ്രമുഖ നിര്‍മാതാക്കള്‍ പറഞ്ഞു.