രാജ്യത്ത് ഇന്ധന വില വീണ്ടും കൂട്ടി. പെട്രോളിന് 25 പൈസയും ഡീസലിന് 32 പൈസയുമാണ് വർധിച്ചത്. തുടർച്ചയായ മൂന്നാം ദിവസമാണ് രാജ്യത്ത് ഇന്ധനവില കൂട്ടിയത്. തിരുവനന്തപുരത്ത് ഒരു ലിറ്റർ പെട്രോളിന് 104 രൂപ 38 പൈസയാണ്. ഡീസലിന് 95 രൂപ 67 പൈസയായി വർധിച്ചു. കോഴിക്കോട് പെട്രോളിന് 102 രൂപ 64 പൈസയും ഡീസലിന് 95 രൂപ 88 പൈസയുമാണ് ഇന്നത്തെ വില.രാജ്യത്തെ പ്രധാന നഗരങ്ങളായ ചെന്നൈ, ഡൽഹി, കൊൽക്കത്ത, മുംബൈ എന്നിവിടങ്ങളിൽ ഇന്ധന വിലയിൽ വർധനവ് രേഖപ്പെടുത്തി. ഡൽഹിയിൽ പെട്രോളിന് 101.89 രൂപയും ഡീസലിന് 90.17 രൂപയുമാണ് ഇന്നത്തെ വില. കൊൽക്കത്തയിൽ പെട്രോളിന് 102.47 രൂപയും ഡീസലിന് 93.27 രൂപയുമാണ്. ചെന്നൈയിൽ പെട്രോളിന് 22 പൈസ വർധിച്ച് 99.58 രൂപയായി. ഒരു ലിറ്റർ ഡീസലിന് 94.74 രൂപയാണ്. മുംബൈയിൽ പെട്രോളിന് 107.95 രൂപയും ഡീസലിന് 97.84 രൂപയുമാണ് ഇന്നത്തെ വില.