രാജ്യത്തെ സ്വർണാഭരണ ശാലകളിൽ ഇനി മുതൽ ബിഐഎസ് ഹാൾമാർക്ക് മുദ്രയുള്ള സ്വർണാഭരണം മാത്രമേ വിൽക്കാനാവൂ. ഇതുസംബന്ധിച്ച കേന്ദ്ര സർക്കാർ നിയമം ബുധനാഴ്‌ച മുതൽ പ്രാബല്യത്തിൽ വരും.കേന്ദ്ര ഉപഭോക്തൃ- ഭക്ഷ്യ പൊതുവിതരണ മന്ത്രാലയത്തിന്‍റേതാണ് തീരുമാനം. എന്നാൽ ഈ വർഷം ഓഗസ്റ്റ് മാസം വരെ നിയമം ലംഘിക്കുന്ന ജ്വല്ലറികൾക്ക് പിഴ ഇടാക്കില്ലെന്നും മന്ത്രാലയം അറിയിച്ചിട്ടുണ്ട്. സ്വർണത്തിന്‍റെ പരിശുദ്ധി ഉറപ്പ് വരുത്തുന്ന ഹാൾമാർക്ക് സമ്പ്രദായം 2000 മുതൽ ഇന്ത്യയിൽ നിലവിലുണ്ട്. എന്നാൽ ഇത് കൃത്യമായി പാലിക്കപ്പെട്ടിരുന്നില്ല.