കൊവിഡ് പ്രതിസന്ധിക്കിടെ ആശ്വാസമായി ഇ പി എഫ് ഒ. തിരിച്ചടക്കേണ്ടതില്ലാത്ത വിധം വിഹിതം പിൻവലിക്കാൻ പി എഫ് അംഗങ്ങൾക്ക് അവസരമൊരുങ്ങി. കൊവിഡിന്റെ ഒന്നാം തരംഗ സമയത്ത് കഴിഞ്ഞ വർഷം മാർച്ചിലാണ് ഈ പദ്ധതി ആദ്യം തുടങ്ങിയത്.

മൂന്ന് മാസത്തെ അടിസ്ഥാന വേതനം, ഡി എ അല്ലെങ്കിൽ മൊത്തം തുകയുടെ 75 ശതമാനം; ഇവയിൽ ഏതാണോ കുറവ് അതാണ് പിൻവലിക്കാൻ സാധിക്കുക. മഹാമാരി കാലത്ത് ഈ പദ്ധതി അംഗങ്ങൾക്ക് ഏറെ ഉപകാരപ്രദമാണ്. പ്രത്യേകിച്ച് 15,000ൽ താഴെ പ്രതിമാസ ശമ്പളമുള്ളവർക്ക്.
ഇതുപ്രകാരം 76.31 ലക്ഷം കൊവിഡ് അഡ്വാൻസ് അപേക്ഷ ഇ പി എഫ് ഒ തീർപ്പാക്കിയിട്ടുണ്ട്. 18,698.15 കോടി രൂപ വിതരണം ചെയ്തു. ആദ്യ ഘട്ടത്തിൽ അഡ്വാൻസ് വാങ്ങിയവർക്കും ഇപ്പോൾ അപേക്ഷിക്കാം.