സംസ്ഥാനത്ത് ഇന്ധനവിലയിൽ ഇന്നും വർധനവ്. പെട്രോളിന് 29 പൈസയും ഡീസലിന് 28 പൈസയുമാണ് വർധിച്ചത്. തിരുവനന്തപുരത്ത് പെട്രോൾ ലിറ്ററിന് 96.21 രൂപയും ഡീസൽ ലിറ്ററിന് 91.50 രൂപയുമായി. കൊച്ചിയിൽ പെട്രോളിന് 94.33 രൂപയും ഡീസലിന് 89.74 രൂപയുമാണ് വില. ഒരു മാസത്തിനിടയിൽ പതിനാറാമത്തെ തവണയാണ് രാജ്യത്ത് ഇന്ധവില കൂടുന്നത്.കേരളം, തമിഴ്‌നാട്, പശ്ചിമബംഗാൾ, അസം, പുതുച്ചേരി എന്നിവിടങ്ങളിലെ നിയമസഭ തെരഞ്ഞെടുപ്പ് ഫലം പ്രഖ്യാപിച്ചതിന് ശേഷമാണ് മാറ്റമില്ലാതെ തുടർന്ന ഇന്ധനവില രാജ്യത്ത് വീണ്ടും ഉയർന്നത്. തെരഞ്ഞെടുപ്പ് കാലയളവിൽ ഇന്ധനവില കൂട്ടുന്നത് പൊതുമേഖല എണ്ണക്കമ്പനികൾ താത്കാലികമായി നിർത്തിവച്ചിരുന്നു