ജൂലൈ ഒന്ന്​ മുതൽ പുതിയ മാറ്റങ്ങളുമായി സ്റ്റേറ്റ് ബാങ്ക് ഓഫ് ഇന്ത്യ. ബേസിക്​ സേവിങ്​സ്​, ഡെപ്പോസിറ്റ്​ അക്കൗണ്ട്​ ഉടമകൾക്കാണ്​ പുതിയതായി നിലവിൽ വരുന്ന നിയമങ്ങൾ ബാധകമാവുക.

ജൂലൈ മുതൽ എ.ടി.എമ്മുകളിൽ നിന്ന്​ പണം പിൻവലിക്കുന്നതിനും ചെക്ക്​ബുക്ക്​ ചാർജുകളിലും മാറ്റങ്ങളുണ്ടാകുമെന്ന് എസ് ബി ഐ അറിയിച്ചു. എ.ടി.എമ്മുകളിൽ നിന്ന്​ പ്രതിമാസം നാല്​ തവണ മാത്രമാണ്​ ബേസിക്​സ്​ സേവിങ്​സ്​ അക്കൗണ്ട്​ ഉടമകൾക്ക്​ പണം പിൻവലിക്കാനാകുക. പിന്നീട്​ ഓരോ തവണ പണം പിൻവലിക്കുമ്ബോഴും 15 രൂപയും ജി.എസ്​.ടിയും നൽകണം.

10 പേജുള്ള ചെക്ക്​ബുക്കാണ്​ എസ്​.ബി.ഐ നിലവിൽ സൗജന്യമായി പ്രതിവർഷം നൽകുന്നത്​. എന്നാൽ ഇനി മുതൽ 10 ലീഫുള്ളതിന്​ 40 രൂപയും 25 എണ്ണമുള്ളതിന്​ 75 രൂപയും നൽകണം. അടിയന്തരമായി ചെക്ക്​ബുക്ക്​ ലഭിക്കണമെങ്കിൽ 50 രൂപയും നൽകണം.