തുടർച്ചയായ വർദ്ധനവിന് ശേഷം സ്വർണവിലയിൽ രണ്ട് ദിവസത്തിന് ശേഷം വീണ്ടും ഇടിവ്. ഇന്ന് പവന് 240 രൂപയാണ് കുറഞ്ഞത്. ഇതോടെ ഗ്രാമിന് 4185 രൂപയായി. ഇതോടെ ഒരു പവന് 33,480 രൂപയാണ് വില. കഴിഞ്ഞ ദിവസം പവന് 280 രൂപ വർദ്ധിച്ച് 33,720 ആയിരുന്നു സ്വർണവില. മാർച്ച് 1 ന് രേഖപ്പെടുത്തിയ 34,400 രൂപയാണ് ഈ മാസത്തെ ഏറ്റവും ഉയർന്ന വില. ഏറ്റവു കുറഞ്ഞ വില മാർച്ച് 5 ന് രേഖപ്പെടുത്തിയ 33,160 രൂപയും. കേന്ദ്ര ബജറ്റിൽ സ്വർണത്തിന്റെ കസ്റ്റംസ് തീരുവ 12.5 ശതമാനത്തിൽ നിന്നും 7.50 ശതമാനമായി കുറച്ചിരുന്നു. ഇതാണ് വില കുറയാൻ കാരണം.