ഗ്യാലക്‌സി എഫ് സീരീസിലെ പുതിയ മോഡലായ എഫ്62 ഇന്ത്യൻ വിപണിയിലെത്തിച്ച് സാംസംഗ്. ക്വാഡ് റിയർ ക്യാമറ, 7,000 എം എ എച്ച് ബാറ്ററി പോലുള്ള മികച്ച സവിശേഷതകളോടെയാണ് ഫോൺ ഉപഭോക്താക്കളുടെ കൈകളിലെത്തുന്നത്. ഫെബ്രുവരി 22ന് ഉച്ചക്ക് 12 മണി മുതൽ ഓൺലൈനിലും അല്ലാതെയും ഫോൺ വാങ്ങാം.

ബേസ് മോഡലായ 6ജിബി + 128ജിബിക്ക് 23,999 രൂപയാണ് വില. 8ജിബി + 128ജിബി മോഡലിന് 25,999 രൂപയാകും. ലേസർ ബ്ലൂ, ലേസർ ഗ്രീൻ, ലേസർ ഗ്രേ നിറങ്ങളിൽ ഫോൺ ലഭിക്കും.പിറകുവശത്തെ നാല് ക്യാമറകളിൽ 64 മെഗാപിക്‌സൽ ആണ് പ്രൈമറി. 12 മെഗാപിക്‌സൽ അൾട്രാ വൈഡ് ആംഗ്ൾ ലെൻസ്, 5 മെഗാപിക്‌സൽ വീതം മാക്രോ ഷൂട്ടർ, ഡെപ്ത് സെൻസർ എന്നിവയുമുണ്ട്. 32 മെഗാപിക്‌സൽ ആണ് സെൽഫി ക്യാമറ.