തുടർച്ചയായി മൂന്നാം ദിവസവും സ്വർണവിലയിൽ ഇടിവ്. ഒരു പവൻ സ്വർണത്തിന് 320 രൂപയാണ് കുറഞ്ഞിരിക്കുന്നത്. ഇതോടെ ഗ്രാമിന് 4300 രൂപ നിരക്കിൽ സ്വർണ വില ഒരു പവന് 34,400 രൂപയായി കുറഞ്ഞു. എട്ട് മാസത്തിനിടയിലുള്ള ഏറ്റവും കുറഞ്ഞ വിലയാണിത്.കഴിഞ്ഞ ദിവസം സ്വർണത്തിന്റെ വില 280 രൂപ കുറഞ്ഞ് 34,720 ൽ എത്തിയിരുന്നു. ആഗോള വിപണിയിലും ഇടിവ് തുടരുകയാണ്. ബജറ്റിൽ ഇറക്കുമതി തീരുവ കുറച്ചതിന് പിന്നാലെ ഒരാഴ്ചയോളം സ്വർണ വിലയിൽ ഇടിവ് പ്രകടിപ്പിച്ചിരുന്നു. പിന്നീടുള്ള ദിവസങ്ങളിൽ വർദ്ധനവ് വന്നെങ്കിലും സ്വർണവില വീണ്ടും കുറഞ്ഞതായാണ് കാണാൻ സാധിക്കുന്നത്.‌