രാജസ്ഥാൻ സർക്കാർ പെട്രോളിന്റയും ഡീസലിന്റെയും മൂല്യവർധിത നികുതി(വാറ്റ്) രണ്ടു ശതമാനം കുറച്ചു. ആഗോള വിപണിയിലെ വിലയോടൊപ്പം വിനിമയനിരക്കു കൂടി ചേർത്താണ് രാജ്യത്ത് പെട്രോൾ, ഡീസൽ വില നിശ്ചയിക്കുന്നത്. അതോടൊപ്പമാണ് കേന്ദ്ര സർക്കാർ എക്സൈസ് തീരുവയും സംസ്ഥാനങ്ങൾ വാറ്റും ഇടാക്കുന്നത്. ഒരു ലിറ്ററിന്മേൽ ഇരട്ടിയിലേറെ തുക നികുതിയിനത്തിൽ തന്നെ ഈടാക്കുന്നുണ്ട്.

ഈ സാഹചര്യത്തിൽ ജനങ്ങളുടെ മേലുള്ള അധികഭാരം കുറയ്ക്കുന്നതിന്റെ ഭാഗമായാണ് വാറ്റ് കുറയ്ക്കുന്നതെന്ന് രാജ്യസ്ഥാൻ സർക്കാർ വ്യക്തമാക്കി. കേന്ദ്രവും നികുതി കുറയക്കാൻ തയ്യാറാകണമെന്ന് മുഖ്യമന്ത്രി അശോക് ഗെഹ്‌ലോത് ആവശ്യപ്പെട്ടു.