തുടരെ തുടരെ ഇന്ധന വില വർധിക്കുന്ന നടപടി രാജ്യത്ത് തുടരുന്നു. ഇന്നത്തെ വർധനവോടെ തുടർച്ചയായി നാലാം തവണയാണ് വില കൂട്ടയത്. പെട്രോൾ ലിറ്ററിന് 25 പൈസയും ഡീസലിന് 26 പൈസയുമാണ് കൂട്ടിയത്‌.

അന്താരാഷ്ട്രതലത്തിൽ എണ്ണവില കുറഞ്ഞിരിക്കുന്ന സാഹചര്യത്തിലാണ് രാജ്യത്ത് വീണ്ടും ഇന്ധന വില വർദ്ധിക്കുന്നതെന്നതും ശ്രദ്ധേയമാണ്. തിരുവനന്തപുരത്ത് ഒരു ലിറ്റർ പെട്രോളിന് 86.98 രൂപയും ഡീസലിന് 81 രൂപയുമാണ് ഇന്നത്തെ വില. കൊച്ചിയിൽ പെട്രോളിന് 85.10 രൂപയാണ് വില. ഡീസലിന് 79.20 രൂപ. കോഴിക്കോട് 85.95 രൂപ പെട്രോളിനും, ഡീസലിന് 79.31 രൂപയുമാണ്.