വാട്‌സാപ്പിൽ പേയ്‌മെന്റ് സംവിധാനം നിലവിൽ വന്നു. രാജ്യത്തെ 20 മില്യൺ പേർക്ക് ഈ പെയ്‌മെന്റ് സംവിധാനം ഇനി ഉപയോഗിക്കാം. എസ്ബിഐ, എച്ച്ഡിഎഫ്‌സി, ഐസിഐസിഐ, ആക്‌സിസ് ബാങ്കുകളുടെ സഹകരണത്തോടെയാണ് ഇത് നിലവിൽ വന്നത്. നാഷണൽ പേയ്‌മെന്റ് കോർപറേഷനും യുണിഫൈഡ് പെയ്‌മെന്റ് ഇന്റർഫെയ്‌സും(യുപിഐ) കഴിഞ്ഞ നവംബറിൽ പണമിടപാട് സംവിധാനമൊരുക്കാൻ വാട്‌സാപ്പിന് അനുമതി നൽകിയിരുന്നു. സന്ദേശമയക്കുന്നതു പോലെ എളുപ്പത്തിൽ പണം കൈമാറാനുള്ള സംവിധാനമാണിത്.

പണമിടപാടിനുള്ള സൗകര്യം വന്നതോടെ രാജ്യത്ത് ഡിജിറ്റൽ പേയ്മന്റ് സംവിധാനം കൂടുതൽ പേരിലേയ്‌ക്കെത്തുമെന്നാണ് പ്രതീക്ഷിക്കുന്നത്. ഗ്രാമീണമേഖലകളിലും ഡിജിറ്റൽ പെയ്‌മെന്റ് സംവിധാനത്തിന് കൂടുതൽ പ്രചാരം ലഭിക്കും.