ഡിസംബറിലെ ഏറ്റവും കുറഞ്ഞ സ്വ‍‍ർണ വിലയാണ് ഇന്നലെ മുതൽ കേരളത്തിൽ രേഖപ്പെടുത്തുന്നത്.ഒരു  പവന് 36,720 രൂപയാണ് ഇന്നത്തെ വില. ​ഗ്രാമിന് 4,590 രൂപയാണ് നിരക്ക്. ഈ മാസത്തെ ഏറ്റവും ഉയ‍ർന്ന വില ഡിസംബ‍ർ 8ന് രേഖപ്പെടുത്തിയ 37,280 രൂപയാണ്.നവംബറിലെ ആദ്യ ആഴ്ച്ചകളിൽ 38,880 രൂപ വരെ ഉയ‍ർന്ന സ്വർണ വില നവംബർ അവസാനമായപ്പോഴേയ്ക്കും 35,760 രൂപയായി കുറഞ്ഞു. ആഴ്ച്ചകൾക്കുള്ളിൽ 3,000 രൂപയിലധികം കുറവാണ് സ്വ‍ർണ വിലയിലുണ്ടായത്., ആഗോള വിപണിയിൽ  സ്വ‍ർണ വില ഇന്ന് ഉയർന്നു. സ്‌പോട്ട് സ്വർണം 0.1 ശതമാനം ഉയർന്ന് ഔൺസിന് 1,836.54 ഡോളറിലെത്തി. വിലപിടിപ്പുള്ള മറ്റ് ലോഹങ്ങളിൽ വെള്ളി വില ഒരു ഔൺസിന് 0.1 ശതമാനം ഇടിഞ്ഞ് 23.94 ഡോളറിലും പ്ലാറ്റിനം 0.2 ശതമാനം ഉയർന്ന് 1,028.71 ഡോളറിലും പല്ലേഡിയം 0.1 ശതമാനം ഉയർന്ന് 2,334.03 ഡോളറിലും എത്തി. ഡോളറിൻറെ ഇടിവ് ആണ് സ്വർണ വിലയിൽ പ്രതിഫലിക്കുന്നത്