രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐ എടിഎം സേവന നിരക്കുകൾ പരിഷ്കരിച്ചു.ഒക്ടോബർ ഒന്ന് മുതൽ പുതുക്കിയ നിരക്കുകൾ നിലവിൽ വരും.പ്രതിമാസം എട്ടു മുതൽ പത്തു തവണവരെ സൗജന്യമായി എ ടി എം ഇടപാടുകൾ അനുവദനീയമാണ്. അതിലധികമുള്ള ഇടപാടുകൾക്ക്‌ പ്രത്യേക ഫീസ് ബാങ്ക് ഈടാക്കും. 

അക്കൗണ്ടിൽ ബാലൻസ് ഇല്ലാതിരിക്കുകയൂം എ ടി എം കാർഡ് വഴി പണം പിൻവലിക്കാൻ ശ്രമിക്കുകയൂം ചെയ്താൽ ഇനി മുതൽ ചാർജ് കൊടുക്കേണ്ടി വരും. മെട്രോ നഗരങ്ങളല്ലാത്തയിടങ്ങളിൽ പത്തു തവണ എ ടി എം സൗജന്യമായി ഉപയോഗിക്കാം. എസ് ബി ഐ യുടെ അഞ്ചും മറ്റു ബാങ്കുകളുടെ അഞ്ചും ഇടപാടുകൾക്കാണ് സൗജന്യമുള്ളത്. സൗജന്യ പരിധി കഴിഞ്ഞാൽ അഞ്ചു മുതൽ 20 രൂപ വരെ ബാങ്ക് ഈടാക്കും. അക്കൗണ്ടിൽ ശരാശരി 25000 രൂപയ്ക്കു മേലെ ഉള്ളവർക്ക് പരിധിയില്ലാതെ എ ടി എം ഉപയോഗം സൗജന്യമാണ്