ആമസോണിന്റെ കേസിൽ ഫ്യൂചർ ഗ്രൂപ്പ് ഡൽഹി ഹൈക്കോടതിയെ സമീപിച്ചു. സിങ്കപ്പൂർ ആർബിട്രേഷൻ സെന്റർ ഫ്യൂചർ-റിലയൻസ് ഇടപാട് സ്റ്റേ ചെയ്ത ഉത്തരവിനെതിരെയാണ് ഫ്യൂചർ ഗ്രൂപ്പിന്റെ നീക്കം.ആമസോൺ എസ്ഐഎസിയുടെ ഉത്തരവ് ദുരുപയോഗം ചെയ്യുന്നെന്നാണ് ആരോപണം. ഫ്യൂചർ ഗ്രൂപ് ഭാഗമല്ലാത്ത കരാറിന്റെ പേരിലാണ് സിങ്കപ്പൂരിലെ ആർബിട്രേഷൻ സെന്റർ ഉത്തരവിട്ടിരിക്കുന്നതെന്ന് ഇത് സംബന്ധിച്ച് പുറത്തിറക്കിയ വാർത്താക്കുറിപ്പിൽ കമ്പനി ആരോപിക്കുന്നു. ഫ്യൂചർ ഗ്രൂപ്പ് കരാർ ലംഘിച്ചെന്ന് ആരോപിച്ചാണ് ആമസോൺ ആർബിട്രേഷൻ സെന്ററിനെ സമീപിച്ചത്.