ഫൈബർ ശൃംഖലയിലുണ്ടായ തകരാറിനെ തുടർന്നാണ് ഐഡിയ വോഡഫോൺ സംയുക്ത നെറ്റ് വർക്കായ  വി ഐയുടെ സേവനം തടസപ്പെട്ടതെന്ന് വിശദീകരണം. സംസ്ഥാനത്തുടനീളം ഇന്നലെ വി ഐയുടെ സേവനം തടസപ്പെട്ടിരുന്നു. ചൊവ്വാഴ്ച വൈകുന്നേരം അഞ്ച് മണിയോടെയാണ് തകരാറുണ്ടായത്.

ഫൈബറുകൾ വിവിധയിടങ്ങളിൽ വിച്ഛേദിക്കപ്പെട്ടതായി വി. ഐയുടെ ഔദ്യോഗിക കുറിപ്പ് വിശദമാക്കുന്നു. എങ്ങനെയാണ് തകരാറുണ്ടായതെന്ന് അന്വേഷണം നടത്തുമെന്നും വി. ഐ വിശദമാക്കുന്നു. നെറ്റ് വർക്കിലുണ്ടായ തകരാറ് പരിഹരിച്ചതായും സർവ്വീസ് പൂർണമായ രീതിയിൽ പുനസ്ഥാപിച്ചതായും വൊഡാഫോൺ-ഐഡിയ വ്യക്തമാക്കി