മൂന്നുദിവസത്തെ വിലവർധനയ്ക്കുശേഷം സ്വർണവില പവന് 160 രൂപ കുറഞ്ഞ് 37,360 രൂപയായി. 4670 രൂപയാണ് ഗ്രാമിന്റെ വില. ആഗോള വിപണിയിൽ സ്പോട്ട് ഗോൾഡ് വില ഔൺസിന് 1,903.16 ഡോളർ നിലവാരത്തിലേയ്ക്ക് താഴ്ന്നു. യുഎസ് ഡോളർ കരുത്താർജിച്ചതാണ് വിലയെ ബാധിച്ചത്. യുഎസിൽ വൈകാതെ ഉത്തേജന പാക്കേജ് വരുമെന്ന പ്രതീക്ഷയും സ്വർണത്തിൽനിന്ന് നിക്ഷേപകരെ അകറ്റി. ദേശീയ വിപണിയിൽ പത്ത് ഗ്രാം തങ്കത്തിന്റെ വില 50,584 രൂപ നിലവാരത്തിലാണ്.