ഓൺലൈൻ വ്യാപാര പ്ലാറ്റ്‌ഫോമുകളായ ആമസോൺ.കോമിനും വാൾമാർട്ടിന്റെ ഫ്ളിപ്കാർട്ടിനും കേന്ദ്ര സർക്കാറിന്റെ മുന്നറിയിപ്പ്. ഒരു ഉത്പന്നത്തിന്റെ ഉറവിട രാജ്യം വെളിപ്പെടുത്തണമെന്ന നിയമം രണ്ട് പ്ലാറ്റ്‌ഫോമുകളിലേയും പല വിൽപ്പനക്കാരും പാലിക്കാത്തതാണ് നടപടിക്ക് കാരണം. അതിർത്തിയിൽ ചൈനയുമായി പ്രശ്‌നം വഷളായതിനെ തുടർന്ന് ജൂണിലാണ് ഈ നിയമം ഇന്ത്യ കർശനമാക്കിയത്.

15 ദിവസത്തിനകം വിശദീകരണം നൽകാൻ ഇരു കമ്പനികൾക്കും നോട്ടീസ് നൽകിയിട്ടുണ്ട്. അല്ലാത്തപക്ഷം നിയമ നടപടി സ്വീകരിക്കും. ഈ മാസം 16നാണ് കേന്ദ്ര വാണിജ്യ മന്ത്രാലയം നോട്ടീസ് നൽകിയത്.എന്ത് നടപടിയാണ് സ്വീകരിക്കുക എന്നത് സംബന്ധിച്ച് വ്യക്തതയില്ല. നിയമ നടപടിയാകുമെന്നാണ് സൂചന. ചൈനീസ് ഉത്പന്നങ്ങളുടെ ഇറക്കുമതി നിയന്ത്രിക്കുന്നതിന്റെ ഭാഗമായാണ് ഉത്പന്നത്തിന്റെ ഉറവിട രാജ്യം വെളിപ്പെടുത്തണമെന്ന നിയമം ശക്തമാക്കിയത്.