ഗൂഗിളിന്റെ ആൻഡ്രോയിഡ് ഓപ്പറേറ്റിംഗ് സിസ്റ്റത്തിന്റെ പുതിയ പതിപ്പ് ആൻഡ്രോയിഡ് 10 ഫോണുകളിൽ ലഭ്യമായി തുടങ്ങി. ആദ്യം ഗൂഗിളിന്റെ പിക്സൽ ഫോണുകളിലാണ് അപ്ഡേറ്റ് സൗകര്യം ലഭിക്കുന്നത്. തുടർന്ന് വൺ പ്ലസിന്റെ 7, 7 പ്ലസ് ഫോണുകളിലും അപ്ഡേറ്റ് ലഭിക്കും. 

പുതിയ അപ്ഡേറ്റ് നിരവധി മാറ്റങ്ങളാണ് ഫോണിൽ സൃഷ്ടിക്കുന്നത്. ഡാർക്ക് മോഡിന് പ്രാമുഖ്യം കൊടുക്കുന്ന അപ്ഡേറ്റ് ഇതിലൂടെ ബാറ്ററി ലൈഫ് കൂട്ടാം എന്ന് കരുതുന്നു.ഇതിന്റെ ചുവടു പിടിച്ച് വാട്സ് ആപ് പോലുള്ള ആപ്പുകൾ തങ്ങളുടെ ഡാർക്ക് മോഡ് അവതരിപ്പിക്കുമെന്നാണ് സൂചന. 
പതിവായി മധുര പലഹാരങ്ങളുടെ പേരാണ് ഗൂഗിൾ അവരുടെ അപ്ഡേറ്റിനു നല്കുന്നതെങ്കിലും ഇത്തവണ ആ പതിവിനു വിരുദ്ധമായാണ് അപ്ഡേറ്റിന് ആൻഡ്രോയിഡ് 10 എന്ന പേര് നൽകിയത്.