ഗൂഗിൾ പ്ലേ സ്റ്റോറിൽ നിന്നും കാം സ്കാനർ ആപ്പ് നീക്കം ചെയ്തു. ആപ്പിൽ  അഡ്വെർടൈസിങ്  മാൽവെയറുകളെ കണ്ടെത്തിയതിനെ തുടർന്നാണ് ഗൂഗിളിന്റെ നടപടി. സ്മാർട്ട് ഫോണുകളിൽ ഡോക്യുമെന്റ് സ്കാൻ ചെയ്തെടുക്കാൻ ഉപയോഗിച്ചിരുന്ന ആപ്പ് ആണ് കാം സ്കാനർ. ആന്റി വൈറസ് സ്ഥാപനമായ കാസ്പർസ്‌കീ ആണ് ആപ്പിലെ മാൽവെയർ സാനിധ്യം കണ്ടെത്തിയത്. തുടർന്ന് ഗൂഗിൾ വേഗത്തിൽ നടപടി എടുക്കുകയായിരുന്നു. ട്രോജൻ ഡ്രോപ്പർ എന്ന പേരിലുള്ള മാൽവെയർ ആണ് ആപ്പിൽ നിന്ന് കണ്ടെത്തിയത്. സ്കാനറിന്റെ പഴയ വേർഷനുകളായ കാം സ്കാനർ എച് ഡി , കാം സ്കാനർ (ലൈസൻസ് ) എന്നിവ ഇപ്പോഴും ഗൂഗിൾ പ്ലേ സ്റ്റോറിൽ ലഭ്യമാണ്.