ഇന്ത്യയിലെ ഏറ്റവും വലിയ പൊതുമേഖല ബാങ്കായ എസ്​.ബി.ഐയുടെ ലാഭത്തില്‍ 81 ശതമാനം വര്‍ധന. സാമ്പത്തിക വര്‍ഷത്തി​ന്റെ ഒന്നാം പാദത്തില്‍ 4.189.3 കോടിയാണ്​ എസ്​.ബി.ഐയുടെ ലാഭം. കഴിഞ്ഞ വര്‍ഷത്തെ ഒന്നാം പാദവുമായി താരത്മ്യം ചെയ്യുമ്പോളാണ്​ ബാങ്കി​ന്റെ ലാഭം 81 ശതമാനം ഉയര്‍ന്നത്​.

എസ്​.ബി.ഐയുടെ വരുമാനത്തില്‍ 16 ശതമാനം വര്‍ധനയും രേഖപ്പെടുത്തിയിട്ടുണ്ട്​. 26,641.5 കോടിയാണ്​ ബാങ്കി​​ന്റെ വരുമാനം. എസ്​.ബി.ഐക്ക്​ 3,375 കോടി രൂപ ലാഭമുണ്ടാവുമെന്നായിരുന്നു ബ്ലുബെര്‍ഗി​​ന്റെ പ്രവചനം. മിക്ക സാമ്പത്തിക വിദഗ്​ധരുടെയും പ്രവചനങ്ങളെ മറികടന്നാണ്​ എസ്.ബി.ഐയുടെ കുതിപ്പ്​.

പലിശനിരക്കുകളിലുണ്ടായ വ്യതിയാനങ്ങളാണ്​ എസ്​.ബി.ഐ ഗുണകരമായത്​. ബാങ്കി​​ന്റെ കിട്ടാകടത്തി​​ന്റെ തോതും കുറഞ്ഞിട്ടുണ്ട്​. കഴിഞ്ഞ പാദത്തില്‍ 6.15 ശതമാനമായിരുന്നു കിട്ടാകടമെങ്കില്‍ ഇപ്പോള്‍ ഇത്​ 5.44 ശതമാനമായാണ്​ കുറഞ്ഞത്​.