Forecast Weather using OpenWeatherMap with PHP

Kerala

  • Tuesday 2:06 am
  • 7th December, 2021
  • Broken Clouds
24.82°C24.82°C
  • Humidity: 98 %
  • Wind: 0.95 km/h

Breaking News

  • ഇടുക്കി ഡാമിൽ വെള്ളം 2401 അടി, ഓറഞ്ച് അലർട്ട്; 2 അടി ഉയർന്നാൽ ഷട്ടർ തുറന്നേക്കും
  • ജലനിരപ്പ് ഉയർന്നു; മുല്ലപ്പെരിയാർ അണക്കെട്ടിലെ ഷട്ടറുകൾ വീണ്ടും തുറന്നു

അമേരിക്കയിൽ പോയി തളിരില തപ്പിയിറങ്ങിയ  മലങ്കര ഓർത്തഡോക്സ്‌ സഭയുടെ ഒരു വന്ദ്യ വൈദികനെ അമേരിക്കൻ  കോടതി മൂന്നുവർഷം കഠിന തടവിന് വിധിച്ചു.  രക്ഷപെടാൻ ഒരു ചാൻസും കിട്ടാതിരുന്ന ശ്ലോമോ ഐസക് ജോർജ് എന്ന ഈ കത്തനാർ കഴിഞ്ഞ രണ്ടുകൊല്ലമായി അരിസോണയിലെ ജയിലിലായിരുന്നു. ഫോനിക്‌സ് പൊലീസാണ് ഇയാളെ അറസ്റ്റുചെയ്യ്തു ജയിലടച്ചത്.

എന്റെ അപ്പനും കത്തനാരായിരുന്നു എന്നും ഞങ്ങൾക്ക് മുപ്പത്തിനാലുമുതൽ ഒരു ഭരണഘടന ഉള്ളവരാണെന്നും, എന്റെ ഹൂത്തോമോ കേട്ടാൽ സ്ത്രീകൾ പോലും കരഞ്ഞുപോകുമെന്നും  ഒക്കെ പറഞ്ഞുനോക്കിയിട്ടും അത് അവിടെ  ഏശിയില്ല   എന്നാണ് വിവരം. ഏതാണ്ട് അഞ്ചുകോടിരൂപ ഇന്ത്യൻ മണി ജാമ്യത്തുകയായി വേണ്ടിയിരുന്നതിനാൽ സഭയും ഈ കേസിൽ കാശെറിഞ്ഞു വലിയ ശുഷ്ക്കാന്തി കാണിച്ചില്ല.

 എന്നാൽ അടുത്തകാലത്ത് കോവിഡ് ബാധിച്ചു മരിച്ച വൈദികന്റെ കുടുംബത്തിന് നല്കാൻ എന്നപേരിൽ ക്രവുഡ് ഫണ്ടിങ് വഴി അമേരിക്കയിൽ കോടികൾ പിരിച്ചിട്ടും വച്ച് തിരുമ്മിക്കൊണ്ടിരിക്കുകയാണ് ..സഹായം നൽകിയത് അൽപ്പം കൂടിപ്പോയോ എന്നതാണ് ഇപ്പോൾ സന്ദേഹം... കുറച്ചുകഴിയുമ്പോൾ മണ്ടൻ വിശ്വാസികൾ ഇത് മറന്നുപോകും എന്ന പ്രദീക്ഷയിലാണ് പിരിവുനടത്തിയ മെത്രാച്ചൻ. മെത്രാച്ചന്മാർക്കോ കത്തനാർമാർക്കോ കൈ ചിലപ്പോൾ പറഞ്ഞാൽ കേൾക്കാത്ത അവസ്ഥയെങ്ങാനും ഉണ്ടായാൽ സംഭവിക്കാൻ സാധ്യതയുള്ള ഭവിഷ്യത്തുകളിൽനിന്നും രക്ഷനേടാനുള്ള ഒരു ക്ഷേമ നിധി ഇതുകൊണ്ടു തുടങ്ങിയാലോ എന്ന ആലോചനയും ഉണ്ടുപോലും..
മറ്റെല്ലാ ദുരന്തത്തിനും ഇൻഷുറൻസ് പരിരക്ഷ ഉണ്ട് ഇതിനു മാത്രം ഇല്ലാത്തതു കഷ്ട്ടമാണത്രെ..


പണിപാളിയപ്പോൾ രായ്ക്കുരാമാനം അമേരിക്കയിൽനിന്നു നാട്ടിലേക്ക്‌കടന്ന ഇപ്പോൾ നാട്ടിൽ വാണരുളുന്ന ഞങ്ങളുടെ മെത്രാച്ചൻ ഒരു നെഞ്ചിടിപ്പോടെയാണ്  ഈ വിധികേട്ടതു. അവിടെയെങ്ങാനും നിന്നിരുന്നെങ്കിൽ അകത്തുപോയിരുന്നെങ്കിൽ പണി പാളിയേനേം എന്ന്.. ഞാൻ അമേരിക്കൻ നിർമ്മിതമായ ഒരു പ്രത്യേക തരം മരുന്ന് സേവിക്കാറുണ്ടെന്നും അതിനാൽ തന്റെ യന്ത്രം പ്രവർത്തനക്ഷമമല്ല എന്നും കഴിഞ്ഞ കാതോലിക്കയോട് പറഞ്ഞപ്പോൾ യന്ത്രം പ്രവർത്തിച്ചില്ലെങ്കിലും  അബൂന്റെ മനസ്സിന് കൊഴപ്പം ഒന്നും ഇല്ലല്ലോ എന്നാണത്രെ ചോദിച്ചത്. സംഭവത്തിന് ദൃക്‌സാക്ഷിയുണ്ട് കേട്ടോ? വേണമെങ്കിൽ കേൾപ്പിക്കാം.

പീഡനത്തിന് ശിക്ഷിക്കപ്പെട്ടു അമേരിക്കൻ ജയിലിൽ എത്തുന്നവർക്ക് കറുത്തവർഗ്ഗക്കാരുടെ ഒരു പ്രത്യേകതരം സ്വീകരണം ഉണ്ടത്രേ.. . സ്വീകരണത്തിന്റെ കാടിന്യംകൊണ്ട് അലറിവിളിക്കുന്നത് അന്റാട്ടിക്കവരെ കേൾക്കാമെന്നാണ് അറിയുന്നത്. പിന്നെ ഇത്തരക്കാർക്ക്‌ കുട്ടികളെ കാണുമ്പോൾ വാത്സല്യം മാത്രമേതോന്നു കൊല്ലത്രേ... എത്ര മനോഹരമായ ആചാരങ്ങൾ...

ഇനി കേരളത്തിലേക്ക്  വരാം  .. ഇങ്ങനെയുള്ളവരെ ഒരു പ്രത്യേക ആരാധനയോടെയാണ് ഇടവകക്കാർ നോക്കികാണുന്നത്. അമ്പട വീര സണ്ണികുട്ടാ എന്ന് . ഇവരുടെ കൂദാശകൾക്കു വലിയ ഡിമാന്ററാണ്‌. കയ്യിൽകിട്ടിയാൽ സെൽഫി ഒക്കെ എടുത്തു പ്രൊഫൈൽ പിക്കായി ഇടുമത്രേ.. ഇവരുടെ ധ്യാനം എന്നൊക്കെ പറഞ്ഞാൽ കേട്ടിരുന്നുപോകും. സഭ ശുദ്ധിയകരണ വാരത്തിൽ സഭയുടെ പരിശുദ്ധിയെക്കുറിച്ചു  പരുമല പള്ളിയിലെ മദ്ഹബഹയിൽ നിന്ന് ഞങ്ങളുടെ അഭിവന്ദ്യ യൗസേബിയോസ്  മെത്രാച്ചൻ സംസാരിക്കുന്നതുകേട്ടപ്പോൾ സത്യത്തിൽ കരഞ്ഞു പോയി... തിയോളജി എന്നുപറഞ്ഞാൽ ഇതാണ്  എന്ന് തോന്നിപോകും...

പിന്നെ ഇവിടെ ഞങ്ങൾ വിചാരിച്ചാൽ എന്തും ചെയ്യും. ഞങ്ങളുടെ കുമ്പസാര പീഡനവീരന്മാരുടെ കാര്യം കണ്ടോ കുറ്റപത്രംപോലും ഇതുവരെ കോടതിയിലെത്തിയോ? ഇല്ല. എത്തതുമില്ല. കുർബാന കഴിഞ്ഞയുടനെ ഒരു അമ്മമ്മയും കൈക്കുപിടിച്ചു വിശപ്പിനു രണ്ടു മുട്ട പപ്സും അരലിറ്ററിന്റെ ചെറിയ ഒരു ബോട്ടിൽ പെപ്സിയുമായി വന്ന ഞങ്ങടെ കത്തനാരെ നാട്ടുകാർ കയ്യോടെ പൊക്കിയിട്ടെന്തായി. ഇടവക നാറി അത്രതന്നെ .. അച്ഛൻ മുടിഞ്ഞ ധ്യാന പ്രസംഗത്തിന്റെയും കുമ്പസാരിപ്പിച്ചു കംപ്ലീറ്റ് പാപവും മോചിപ്പിക്കുന്ന തിരക്കിലാണ്.

ഒറ്റ എൻജിനിൽ തന്നെ ഗ്യാസും പെട്രോളും ഉപയോഗിച്ച് വണ്ടിയോടിക്കുന്ന ഞങ്ങടെ വിഷമടിച്ച  റമ്പാച്ചനെ ഞങ്ങൾ ഉടനെ ചുവന്ന നൈറ്റി ഇടുപ്പിക്കും.. ആരെങ്കിലും ചോദിക്കാനുണ്ടോ?

അവിഹിതം പിടിക്കപ്പെട്ടപ്പോൾ ഭർത്താവിന്റെ കാലിൽ പിടിച്ചു പട്ടികരയുന്നപോലെ കരഞ്ഞ മീനടംകാരനായ ഒരു കത്തനാരുടെ കരച്ചിൽ നിങ്ങളുടെ ചെവിയിൽ മുഴങ്ങുന്നില്ലേ... നിങ്ങൾ മറക്കാൻ ഇടയില്ല. ആ വീട്ടമ്മ തീകൊളുത്തി ആത്മഹത്യാ ചെയ്യ്തുകഴിഞ്ഞപ്പോൾ അന്വേഷണ ഉദ്യോഗസ്ഥൻ അവന്റെ കയ്യിൽ നിന്ന് പിടിച്ചെടുത്തത് പതിനാലു സിമ്മുകളാണ്. ഹൈന്ദവനായ ആ അന്വേഷണ ഉദ്യോഗസ്ഥൻ എന്നോട് പറഞ്ഞത് എനിക്ക് കുപ്പായത്തോടു അൽപ്പം ബഹുമാനം ഉള്ളത്കൊണ്ടാ അല്ലായിരുന്നു എങ്കിൽ ആ പന്നിയുടെ  നടുവടിച്ചോടിച്ചേനേം എന്ന്... കാരണം ഈ പതിനാലു സിമ്മും ഉപയോഗിച്ച് ഇടവകയിലെ  ക്വയറിലെ കുട്ടികൾ മുതൽ വീട്ടമ്മമാരായ പല സ്ത്രീകലെ വരെ വിളിച്ചു സല്ലപിക്കലായിരുന്നു പ്രധാന ശുസ്രൂഷ.  ഇവനെയും ഉടൻതന്നെ മുൻകാല പ്രാബല്യത്തോടെ തിരിച്ചെടുക്കുമത്രേ..

നാടൊട്ടുക്കും   സ്വീകരണങ്ങൾ ഏറ്റുവാങ്ങി  നടക്കുന്ന ഞങ്ങളുടെ കോട്ടയം ദേവലോകത്തു വാണരുളും പരിശുദ്ധ പിതാവേ  അമേദ്യത്തെക്കാൾ മ്ലേച്ഛന്മാരായ  മെത്രാന്മാരെയും കത്തനാര്മാരെയും ചുമക്കുന്ന സഭയെ പരിശുദ്ധ സഭയെന്നു വിളിക്കാമോ. പാൽപ്പായസമാണെങ്കിലും ഒരുനുള്ള്
 ഇച്ചീച്ചി വീണാൽ അത് കളങ്കമാകില്ലേ?  പിന്നെ പരിശുദ്ധ സഭ എന്നൊക്കെ പറയുമ്പോൾ അതെന്ന പുട്ടാ എന്നൊക്കെ വിശ്വാസികൾ ചോദിച്ചുതുടങ്ങില്ലെ? ഇവന്മാരെ കുപ്പായമൂരിച്ചുവിട്ടാൽ സഭ പരിശുദ്ധമായി തുടരും. പക്ഷെ നടപടിയെടുക്കുവാൻ വടിയെടുത്താൽ പാപം ചെയ്യാത്തവൻ കല്ലെറിയട്ടെ എന്ന ചോദ്യം വരുമെന്നുറപ്പുള്ളതുകൊണ്ടു .. അവരാണ് നമ്മുടെ രക്ഷകരായി മാറിയതുകൊണ്ടു .. അൽപ്പം പരിശുദ്ധികൊറഞ്ഞാലും വേണ്ടില്ല  പള്ളികളൊക്കെ പിടിച്ചെടുക്കുന്നുണ്ടല്ലോ  എന്ന് പറയുമായിരിക്കും.

പരിശുദ്ധ പിതാവേ നമ്മൾ കാസര്കോട്ടുമുതൽ കന്യാകുമാറിവരെയുള്ള സകല സഭകളുടെയും പള്ളികൾ പിടിച്ചെടുത്താലും , ബലത്തിന് മുപ്പത്തിനാല്  കയ്യിൽ ഉണ്ടെങ്കിലും നമ്മുടെ മെത്രാന്മാരും കത്തനാര്മാരും ചൊവ്വു അല്ലെങ്കിൽ എന്തെങ്കിലും പ്രയോജനം ഉണ്ടോ?
 ഇവന്മാരെയൊക്കെ ഇന്ന് വിശ്വസിച്ചു വീട്ടിൽ കയറ്റാൻ പറ്റുമോ? ഈ ശ്ലോമോയെപ്പോലെയുള്ളവന്റെ ഒക്കെ അടുത്ത് പിള്ളേരെ വിശ്വസിച്ചു വിടാൻ പറ്റുമോ? ഇവന്റെയൊക്കെ മുന്നിൽ പോയി കുമ്പസരിക്കാൻ പറ്റുമോ?

മനുഷ്യ നീ ലോകം മുഴുവൻ നേടിയാലും നീ നിന്റെ ആത്മാവിനെ നഷ്ട്ടപ്പെടുത്തിയാൽ വല്ല കാര്യവുമുണ്ടോ എന്ന് കർത്താവു പറഞ്ഞത് ഇതുകൊണ്ടല്ലേ..

മണ്മറഞ്ഞ  പരിശുദ്ധപിതാവിന്റെ പുറകിൽ അങ്ങ് ആത്മാർത്ഥതയോടെ നിന്നതുപോലെ അടുത്തയാളും അങ്ങയുടെ പുറകിൽ ഉണ്ടെന്നു വല്ലപ്പോഴും ഓർക്കുക. ദായിവം എന്നെ അനുഗ്രഹിച്ചില്ലെങ്കിലും അങ്ങയെ സമൃദ്ധമായി അനുഗ്രഹിക്കട്ടെ.