നൊബേൽ പ്രഭയിൽ തിളങ്ങുമ്പോഴും അഭിജിത് ബാനർജിയും ഭാര്യ എസ്തേർ ദഫ്ളോയും തിരക്കിലാണ്. ആ​ഗോള ദാരിദ്രനിർമാർ‍ഞ്ജനത്തിനായുള്ള തപസ്യയ്ക്കുള്ള അം​ഗീകാരമായാണ് നൊബേൽ കിരീടം ഈ അപൂർവ്വ ദമ്പതികളെ തേടിയെത്തിയത്. ഡൽഹിയിലെ ജെ. എൻ. യു വിലാണ് അഭിജിത് ബാനർജി സാമ്പത്തികശാസ്ത്രത്തിൽ ​ഗവേഷണം നടത്തിയത്. അരുദ്ധതി തുലിയാണ് ബാനർജിയുടെ ആദ്യഭാര്യ. ഇരുവരും 2015-ൽ വേർപിരിഞ്ഞു. അതിനുശേഷമാണ് എസ്തേർ അഭിജിത്തിന്റെ ജീവിതത്തിലേക്ക് കടന്നുവന്നത്. മസാച്യുസൈറ്റ്സ് യൂണിവേഴ്സിറ്റിയിലെ സാമ്പത്തികശാസ്ത്ര അധ്യാപികയാണ് എസ്തേർ.  അതേ യൂണിവേഴ്സിറ്റിയുടെ കീഴിലുള്ള മസാച്യുസൈറ്റ്സ് ഇൻസ്റ്റിറ്റ്യൂട്ട് ഓഫ് ടെക്നോളജിയിലെ സാമ്പത്തികശാസ്ത്ര അധ്യാപകനാണ്  അഭിജിത്.
 ദരിദ്രനായ മനുഷ്യന്റെ വ്യക്തിത്വവും അവന് സംഭവിക്കുന്ന പെരുമാറ്റവൈകല്യങ്ങളുമായിരുന്നു നോബൽസമ്മാനാർഹ​മായ ഇവരുടെ  ​ഗവേഷണ വിഷയം. 

ഇന്ത്യയടക്കമുള്ള രാജ്യങ്ങളിൽ ദാരിദ്രനിർ‌മ്മാർജനത്തിനായി വ്യക്തികളും ഭരണാധികാരികളും ഒന്നിച്ചു പ്രവർത്തിക്കണമെന്ന നിർദ്ദേശമാണ് ഈ ദമ്പതികൾ മുന്നോട്ടുവച്ചത്. ഭരണാധികാരികൾ മാനുഷികസമീപനം സ്വീകരിച്ചാലേ ദാരിദ്ര്യം ഉന്മൂലനം ചെയ്യാൻ കഴിയുകയുള്ളൂ എന്ന് ഇവർ ​ഗവേഷണപ്രബദ്ധത്തിൽ‌ നിർദ്ദേശിക്കുന്നു. ദാരിദ്രത്തെ മനസ്സിലാക്കിയശേഷമാണ് പ്രതിവിധി കണ്ടെത്തേണ്ടതെന്ന് ഈ ദമ്പതികളുടെ പ്രബന്ധത്തിൽ പറയുന്നു. 
ഇക്കഴിഞ്ഞ ലോകസഭാതിരഞ്ഞെടുപ്പിൽ  കോൺ​ഗ്രസ് ഉയർത്തിയ "ന്യായ്പദ്ധതി "ആവിഷ്കരിച്ചത് അഭിജിത് ബാനർജിയാണ്.