കൊറോണ ഭീതി പടരുന്ന സാഹചര്യത്തിൽ കളക്ടറുടെയും ദേവസ്വം കമ്മീഷണറുടെയും നിർദ്ദേശം മാനിച്ചു കൊണ്ടാണ് ഇന്ന് നടക്കുന്ന എരുമേലി ശ്രീ ധർമ്മശാസ്താ ക്ഷേത്രത്തിലെ ചരിത്ര പ്രസിദ്ധമായ ആറാട്ട് ആഘോഷങ്ങൾ ഒഴിവാക്കി കൊണ്ട് ചടങ്ങുകൾ മാത്രം നടത്താൻ തീരുമാനിച്ചത്. ഭക്തജനങ്ങൾ കൂട്ടം കൂടുന്നത് ഒഴിവാക്കി കൊറോണ മുൻകരുതൽ സ്വീകരിക്കുന്നതിന്റെ ഭാഗമായാണ് തീരുമാനം.സ്വീകരണം, അന്നദാനം, കലാപരിപാടികൾ എന്നിവയാണ് ഒഴിവാക്കിയിട്ടുള്ളത്. ക്ഷേത്ര ചടങ്ങുകളും ആറാട്ടും ആചാരപരമായി എപ്പോഴത്തെയും പോലെ നടക്കും.