Forecast Weather using OpenWeatherMap with PHP

Kerala

  • Sunday 2:55 am
  • 9th August, 2020
  • Light Rain
24°C24°C
  • Humidity: 100 %
  • Wind: 3.1 km/h

Breaking News

  • പെട്ടിമുടി ദുരന്തത്തിൽ മരിച്ചവരുടെ എണ്ണം 26 ആയി .എട്ട് പേരുടെ മൃതദേഹം കൂടി ഇന്ന് കണ്ടെടുത്തു 
  • കേന്ദ്ര വ്യോമയാന മന്ത്രി കരിപ്പൂരിലെത്തി ,മരിച്ചവരുടെ കുടുബങ്ങൾക്ക് 10 ലക്ഷം സഹായ ധനം ,ഗുരുതരമായി പരിക്കേറ്റവർക്ക് 2 ലക്ഷം സഹായ ധനം ,പരിക്കേറ്റവരുടെ ചികിത്സ ചെലവ് സർക്കാർ വഹിക്കും ,23 പേരുടെ നില അതീവ ഗുരുതരം .സിവിൽ ഏവിയേഷൻ അന്വേഷണം ആരംഭിച്ചു .പിസിഷൻ അപ്രോച്  റഡാർ സംവിധാനം പ്രവർത്തിച്ചില്ല 
  • സുപ്രീം കോടതിയും മുൻകൂർ ജാമ്യാപേക്ഷ തള്ളിയതോടെ രഹ്ന ഫാത്തിമ പൊലീസ് സ്റ്റേഷനിൽ കീഴടങ്ങി.എറണാകുളം സൗത്ത് പൊലീസ് സ്റ്റേഷനിൽ സിഐ അനീഷിനു മുന്നിലെത്തിയാണ് കീഴടങ്ങിയത്.
  • സ്വര്‍ണക്കടത്ത് കേസില്‍ യുഎഇയിലേക്ക് അന്വേഷണസംഘത്തെ അയയ്ക്കാന്‍ അനുമതി.  
  • കേരളത്തിൽ 1420 പേർക്കുകൂടി കോവിഡ്,   1715 പേർ രോഗമുക്തരായി. 4 പേർ മരിച്ചു. കാസർകോട് ഉപ്പള സ്വദേശി വിനോദ് കുമാർ, കോഴിക്കോട് വെള്ളിമലയിലെ സുലൈഖ(67), കൊല്ലത്ത് കിളിക്കല്ലൂരിലെ ചെല്ലപ്പൻ (60), ആലപ്പുഴ പാണാവള്ളിയെലെ പുരുഷോത്തമൻ (87)   
i2i News Trivandrum,life, police,  lorry driver, i2inews

ലോഡുമായി വന്ന കണ്ടെയിനര്‍ ലോറിയുടെ ഡ്രൈവര്‍ കുഴഞ്ഞ് വീണതിനെ തുടര്‍ന്ന് നിയന്ത്രണം നഷ്ടപ്പെട്ട വാഹനത്തിലേക്ക് ചാടിക്കയറി വാഹനം നിര്‍ത്തി വന്‍ദുരന്തം ഒഴിവാക്കിയ സീനിയര്‍ സിവില്‍ പോലീസ് ഓഫീസര്‍ക്ക് 3000 രൂപ പാരിതോഷികവും സംസ്ഥാന പോലീസ് മേധാവിയുടെ അഭിനന്ദന സര്‍ട്ടിഫിക്കറ്റും നല്‍കാന്‍ സംസ്ഥാന പോലീസ്  മേധാവി ലോക്നാഥ് ബെഹ്റ ഉത്തരവിട്ടു. പാലക്കാട് ആലത്തൂര്‍ ഹൈവേ പോലീസില്‍ ഡ്രൈവറായ സീനിയര്‍ സിവില്‍ പോലീസ് ഓഫീസര്‍ ആര്‍.വിനോദ് ആണ് അതിസാഹസികമായി ഓടിക്കൊണ്ടിരുന്ന വാഹനത്തിലേയ്ക്ക് ചാടിക്കയറി കൈകൊണ്ട് ബ്രേക്ക് അമര്‍ത്തി വാഹനം നിര്‍ത്തി നിരവധി പേരുടെ ജീവന്‍ രക്ഷിച്ചത്. 

വെളളിയാഴ്ച രാവിലെ ആലത്തൂര്‍ സ്വാതി ജംഗ്ഷനിലായിരുന്നു സംഭവം. സ്വാതി ജംഗ്ഷനിലെ ഇടറോഡില്‍ സ്വന്തം ബൈക്കിന് സിഗ്നല്‍ കാത്തുനില്‍ക്കവെയാണ് ഹൈവേയിലൂടെ വന്ന കണ്ടെയിനര്‍ ലോറി അപകടകരമായി റോഡരികിലേയ്ക്ക് നീങ്ങുന്നത് വിനോദിന്‍റെ ശ്രദ്ധയില്‍പ്പെട്ടത്.  ലോറിക്ക് മുന്നിലായി ധാരാളം വാഹനങ്ങളുമുണ്ടായിരുന്നു. ലോറിഡ്രൈവര്‍ സ്റ്റിയറിങ്ങില്‍ തളര്‍ന്നുകിടക്കുന്നത് കണ്ട വിനോദ് അസാമാന്യ മനസാന്നിധ്യത്തോടെ ഡ്രൈവറുടെ കാബിന്‍ തുറന്ന് ലോറിക്കകത്തു കയറി സ്റ്റിയറിംഗ് നിയന്ത്രണത്തിലാക്കി ബ്രേക്ക് ചെയ്ത് വാഹനം നിര്‍ത്തുകയായിരുന്നു. ഇതിനിടെ അപസ്മാരം വന്ന് കുഴഞ്ഞുപോയ ഡ്രൈവര്‍ വിനോദിന്‍റെ ദേഹത്തേയ്ക്ക് വീണു. ഉത്തര്‍പ്രദേശ് സ്വദേശിയായ ഇദ്ദേഹത്തെ ആശുപത്രിയിലെത്തിച്ചു ചികില്‍സ നല്‍കി. പാലക്കാട് എ.ആര്‍ ക്യാമ്പിലെ ഡ്രൈവര്‍ സീനിയര്‍ സിവില്‍ പോലീസ് ഓഫീസറാണ് കാട്ടുശ്ശേരി സ്വദേശിയായ വിനോദ്.

Readers Comment

Add a Comment