കേരളത്തിലെ പ്രതിപക്ഷ നേതാവ് സ്ഥാനത്തേക്ക് വി.ഡി സതീശന്  ഒപ്പം പി.ടി തോമസിന്റെ പേരും പരിഗണിക്കുന്നു. വി.ഡി സതീശന്  എതിരെയുള്ള  നേതാക്കളുടെ സമ്മർദ്ദം ശക്തമായതോടെയാണ് പി.ടി തോമസിനെയും പരിഗണിക്കുന്നത്. രമേശ് ചെന്നിത്തലയെ പ്രതിപക്ഷ നേതാവിന്റെ സ്ഥാനത്ത് നിന്നും മാറ്റരുതെന്ന് കമൽനാഥും ചിദംബരവും അടക്കമുള്ള മുതിർന്ന നേതാക്കൾ സോണിയ ഗാന്ധിയോട് ആവശ്യപ്പെട്ടു.

ഇന്നലെ രാത്രിയോടെയാണ് ഹൈകമാൻഡ് നിയോഗിച്ച സംഘം കോൺഗ്രസ്  അധ്യക്ഷയ്ക്ക് റിപ്പോർട്ട് കൈമാറി. റിപ്പോർട്ടിൽ കൂടുതൽ എംഎൽഎമാരുടെ പിന്തുണ വി.ഡി സതീശനും മുതിർന്ന നേതാക്കളുടെ പിന്തുണ രമേശ് ചെന്നിത്തലയ്ക്കുമാണ്.