മന്ത്രി പി തിലോത്തമന്റെ പ്രൈവറ്റ് സെക്രട്ടറിയെ പുറത്താക്കി സിപിഐ. ലോക്കൽ കമ്മിറ്റി മുൻ സെക്രട്ടറി കൂടിയായ പി പ്രദ്യുതിനെയാണ് പുറത്താക്കിയത്.തിരഞ്ഞെടുപ്പ് പ്രവർത്തനത്തിന് ഇറങ്ങാത്തതിനെ തുടർന്നാണ് നടപടി. ചേർത്തലയിലെ എൽഡിഎഫ് സ്ഥാനാർഥി പി പ്രസാദിനെ തോൽപ്പിക്കണമെന്നുള്ള പ്രചരണങ്ങളും പ്രദ്യുത് നടത്തിയെന്ന് പാർട്ടിക്ക് വിവരം ലഭിച്ചിരുന്നു. ഇതിന്റെ അടിസ്ഥാനത്തിൽ പരാതി ലഭിച്ചതിനെ തുടർന്നാണ് സിപിഐ നടപടി സ്വീകരിച്ചത്.

ഇന്നലെ ചേർന്ന കരുവ ലോക്കൽ കമ്മിറ്റി യോഗത്തിലാണ് പ്രദ്യുതിനെ പുറത്താക്കാൻ തീരുമാനിച്ചത്. മന്ത്രി പി തിലോത്തമന്റെ സാന്നിധ്യത്തിലായിരുന്നു യോഗം ചേർന്നത്. പി തിലോത്തമന്റെ മറ്റ് പേഴ്സണൽ അംഗങ്ങൾക്കെതിരേയും സമാനമായ ആരോപണങ്ങൾ ഉയർന്നിട്ടുണ്ട്.