ലൗ ജിഹാദ് പരാമർശം തള്ളി സിപിഐ. മത മൗലിക വാദികളാണ് ഇത്തരം പ്രചാരണങ്ങൾ ഉയർത്തിക്കൊണ്ടുവരുന്നതെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ പറഞ്ഞു. ജോസ് കെ. മാണിയുടേത് വ്യക്തിപരമായ നിലപാടാണെന്നും കാനം രാജേന്ദ്രൻ പ്രതികരിച്ചു.മതമൗലിക വാദികളാണ് ഇത്തരം പ്രചാരണം നടത്തുന്നത്. കേരളത്തിൽ ഇടത് മുന്നണിയുടെ ചർച്ചകളിൽ ഇതുവരെ ലൗ ജിഹാദ് കടന്നുവന്നിട്ടില്ല. ജോസ് കെ. മാണി ലൗ ജിഹാദിനെക്കുറിച്ച് എന്തെങ്കിലും പറഞ്ഞിട്ടുണ്ടെങ്കിൽ അത് എൽഡിഎഫിന്റെ അഭിപ്രായമല്ല, അദ്ദേഹത്തിന്റെ പാർട്ടിയുടെ അഭിപ്രായമാണെന്നും കാനം രാജേന്ദ്രൻ പറഞ്ഞു.അതേസമയം, ലൗ ജിഹാദ് വിഷയത്തിൽ സർക്കാർ നിലപാട് വ്യക്തമാക്കണമെന്ന് കത്തോലിക്ക സഭ ആവശ്യപ്പെട്ടു.